【開心速遞】許家傑當年唔夠大隻 全靠一招令佢個半月變肌肉男
撰文：黃梓恒
出版：更新：
《愛．回家之開心速遞》收視一路keep住25、26點水平，對於一部半小時的處境劇絕對是一個不錯的成績，能夠如此好反應，劇中的演員完美演活角色是一個很大的助力。大家都知，劇中不少角色都已經成為觀眾追捧的對象，甚至有些觀眾已經記住了角色的名字，反而忘記了演員的名字，這當然有壞有好，角色出名絕對可以提升演員的人氣，其中飾演「送水輝」一角的許家傑便是當中的例子。
許家傑2009年參選「香港先生」奪冠入行，有着港男的光環，大家都會覺得是一身爆肌加靚靚仔仔的外表，靚仔已經不用多講，但其實家傑在參選港男時並不算太爆肌。
不過最近卻迎來了一個大轉變，他開始變肌肉男了，在接受《香港01》訪問時，他說：其實我以前一路有健身，但到真係認真操就用咗個半月，有一段時間我試過特登操大隻啲，但係發覺好難keep，同埋太重有時拍嘢都唔方便。另外就係而家興韓仔，瘦得嚟又要大隻，著衫睇唔到，但除咗衫要騷到你大隻，所以係訓練方面都係特登要改一改，著重線條。」
能夠有此成效，家傑有一個秘訣，當然坊間已經有很多操練方法，大家選對了方法後都依然要用飲食去配合，他說：「同埋飲食配合好重要，一開始自己操效果唔太好原來係因為無食澱粉質，其實食返適量嘅澱粉質對健身效果係有幫助，當然都要搵專業嘅教練。佢教咗我點樣去適當吸收營養，多蛋白質，多菜，少澱粉質但唔可以唔食，呢一點好重要，大家唔好以為減肥或者keep fit就唔食飯，呢樣嘢係錯嘅。」大家以後記得唔好用錯力去操fit或者減肥喇！