倪晨曦佩服15歲嘅木村光希淡定面對傳媒 ：青春真係無敵

倪晨曦（Elva）今日（16日）出席化裝品牌活動，Elva更與木村拓哉女兒木村光希同場，Elva笑言絕對不會放過向她「集郵」的機會：「我覺得15歲嘅女仔卜卜脆，我幻想緊我15歲嗰個時候係點樣，所以我覺得青春真係無敵㗎。」木村拓哉有男神之稱，問Elva小時候會否視他為男神？「其實我唔係好追星嘅一個人，不過小時候見到佢一定會心心眼，就算我唔係追星，但見到佢都一定會鍾意佢。」

提到她在活動上大讚木村光希年僅15歲已經能淡定面對傳媒，問Elva15歲時候在做怎樣？「我15歲時候好傻，嗰個時候去咗加拿大一段好短時間，仲係好怕醜，唔係好夠膽講嘢，成日痴住妹妹，所以佢真係好叻，10幾歲已經面對傳媒。」

Elva在眾人面前感覺很開朗及活躍，但小時候的她其實很文靜，到底是什麼原因令她這麼大的變化？Elva解釋說：「入咗呢行之後慢慢改變，咁係一件好事，始終入呢行係因為本身有表演慾同你鍾意面對鏡頭，但太怕醜嘅話你要面對鏡頭或者做訪問唔識反應，咁入呢行會有好多挑戰，訓練到宜家性格會講好多嘢。」