【潘嘉德榮休】星光熠熠媲美台慶　楊怡馬國明重遇令羅仲謙呷醋

下個月就係TVB台慶，每年都係全台藝人出動嘅日子，不過呢晚金牌監製潘嘉德舉行70歲大壽暨榮休晚宴，出席嘉賓可能比台慶更星光熠熠。除咗《少年四大名捕》吳卓羲、陳鍵鋒、林峯及馬國明難得合體，仲有阿姐汪明荃、李克勤夫婦、梁漢文、車婉婉、周勵淇、高海寧、陳智燊宋熙年、胡杏兒等。

因為拍攝潘嘉德監製嘅劇集《On call 36小時》，擦出愛火花嘅楊怡以及羅仲謙拍拖到賀，佢地話多得德哥呢個媒人先可以修成正果，當正佢係爸爸一樣。最好笑係到夜晚9點幾仲未散席，羅仲謙就上載一張扁晒嘴嘅相，老婆楊怡就挨埋《On call 36小時》中嘅老公「一件頭」馬國明膊頭，謙仔留言話：「你們旁若無人，叫我情何以堪呢？」

至於同樣已離巢嘅胡杏兒亦曬出大合照，同昔日戰友吳卓羲、陳鍵鋒、林峯、馬國明、楊怡留影，當年花旦小生重聚令網友高呼回憶返晒嚟，杏兒自己都相當感概留言話：「難得的合照，我覺得還差葉璇，你們覺得呢？」被點名嘅葉璇好快貼自拍照回應話：「我正在地鐵站通頂演持槍悍匪啊！我的心跟你們在一起」