男優「朱古力波」腦血管爆裂　留院4個月半身失知覺：忍唔住喊

人稱「朱古力波」嘅前男優向山裕曾演出逾4000部AV片，亦參演過港產片《戀上你的床》。現年已51歲嘅佢去年因腦血管爆裂導致左邊臉癱瘓、左半身失去知覺，他近日接受日本傳媒訪問時，透露自己經歷死過翻生後，暴瘦16公斤，昔日的肌肉男已變成瘦柴大叔。
 

朱古力波指自己以前急於賺錢，曾在1個月內演40套AV片，加上無酒不歡，最終落得如此下場：「左邊臉癱瘓，左半身失去知覺，入院後發現是右腦血管爆裂，人有意識但不能說話。我留院4個月期間，天天拚命做體力鍛練，後來醫生也驚訝我可以那麼快康復。」他在訪問中提到是因為記得摔角手豬木先生說過，只要有精神的話，什麼都可以做，他因而扚起心肝努力做物理治療。
 

出院後，他在去年底在東京開設酒吧「Chocoball Family」，不過他自覺體力已不大如前：「試過抺玻璃時隻手用唔到力，我忍唔住哭出嚟，為咗可以工作，我就去做Gym，唔係想好似昔日周身筋肉，而係希望可以有番體力。為咗健康，我對攝取鹽分好注意，不時檢查血壓。」朱古力波在90年代入行，全盛時期年賺175萬港元，他指自己現在收入雖然大不如前，但能夠健康咁生活已經係一件幸福的事。「我仲好關心2020年東京奧運。我的第二人生，健康最重要，現在不可以跑得快，但我想參加殘疾人奧林匹克運動會。」