【嫁到這世界邊端2】腎病人妻不幸兩次流產：好想有小朋友陪佢

TVB真人騷《嫁到這世界邊端2》首位登場的韓國人妻秋仔與情深義重的Oppa暢勇至死不渝的愛情，相信觀眾睇完都眼濕濕，連主持陳貝兒都話節目要改名叫《喊到到這世界邊端》。

最新一集就講到，秋仔回憶起當時自己突然休克昏迷，心跳減慢，幸好媽媽捉住她雙手，不斷叫喚她，令她走過鬼門關！嫁到韓國的秋仔，亦希望媽媽能夠搬過來與他們一起生活。「老婆的媽媽也過來一起住比較好。（那你要多照顧一個人？）其實沒有太大問題的，我們家還有一間房間的，這些老婆會開心的話，就好了。」Oppa暢勇這一段話，令陳貝兒直言要給他300萬分。

由於韓國家庭觀念很重，所以「韓國奶奶」都給人一種對媳婦比較苟刻的印象。但秋仔的奶奶要求比較闊鬆，只係希望秋仔學識泡菜就可以。秋仔的老爺奶奶由初初反對入門，到完成接受並當秋仔女兒般愛鍚，令秋仔相當感動。她更希望為老公生一個小孩，她稱：「其實我知佢好想要一個小朋友，其實我哋都成功咗兩次，但兩次最後都流咗產。啱啱嗰次因為流得唔乾淨，要做手術。但做完手術之後我就發燒，因為我本身有病，如果發燒可能會變得好嚴重，他嗰晚喺醫院出面架車度瞓，第二朝又即刻上嚟，好辛苦。」

秋仔亦提到很多韓國的奶奶都要求媳婦要生BB，但自己的老爺奶奶得知秋仔小產後都表示沒有小孩也不要緊，令秋仔感動不已。雖然如此，秋仔接受《香港01》訪問時透露：「第二次我就無同我奶奶講，再流產都無講。依家都停咗，唔敢再偷偷試，想增肥先。其實想生BB都係我同老公想生，唔關奶奶事。不過呢啲嘢都控制唔到，有就最好啦，無嘅其實都預咗。」患有急性腎衰竭的秋仔雖病情已經穩定，但她亦表示：「我好想要一個好似我老公咁樣嘅仔，萬一大吉利是走咗，我如果有咗小朋友但我唔喺度，佢搵個第2個結婚比較好。如果佢年歲好大，我都好想有小朋友陪佢，唔想佢孤獨終老，呢個都係我自己諗，唔係我決定到，隨緣啦！」對於網民對自己的故事紛紛留言表示感動，秋仔都回覆：「我老公韓文名姓金，叫多寶，我中咗金多寶！黎明都有講話坎坷過後有艇搭吖嘛！」