【廣告女皇】倪晨曦總是「心太軟」　霸氣跟她無緣

ViuTv真人Show節目《Good Night Show廣告女皇》終於首播，Viutv請到一眾參賽者及評審們舉辦記者會。人氣女神倪晨曦（Elva）更是評審之一，對於擔任評審的準則是什麼？倪晨曦說 :「一定要有創意，靚係其次，我覺得呢一個係講《廣告女皇》嘛，唔係選美，唔係模特兒比賽，如果只得靚但冇創意我寧願揀一個創意。」

ViuTv的《全民造星》贏盡口碑，除了姜濤彈起之外監製花姐也成功令大家記住她，問到Elva在做評審中會像花姐一樣有霸氣？「咁又冇，我都只係講佢哋一，兩句唔係呀嘛或者狂笑佢哋，有試過睇到佢哋嘅相，我頂唔順，點解呢啲咁嘅相都可以出街，我O哂嘴，好驚訝。一開始仲會有呢個情況發生，但宜家冇了，靚咗好多。」再問到Elva會回想到初入行時候拍的照片也是這樣？「就算以前啱啱入行時候我都唔會影啲唔靚嘅相擺上網。」

Elva透露其實自己總是心軟，做不到「嚴師」的效果，「我唔係一個惡嘅人，加上我好眼淺，上次有個女生要離開，我即場喊，有少少唔捨得，不過呢到完結唔代表你人生已經停止，我希望佢將來都可以保持發展自己嘅優點，佢哋走我會心痛，我真係心太軟，講說話惡唔到。」