【韋家雄婚禮】46歲單身戴耀明狂抄牌：阿嫂個親細妹冇攞！

韋家雄今日（10月6日）與拍拖多時女友鄧楚雅（Keynes）共諧連理，並在酒店延開28席大宴親朋戚友。兄弟團之一的楊明大爆好兄弟戴耀明（小明）是急色狂，向姊妹團展開猛烈攻勢又狂抄牌「攞電話」。楊明爆料：「我知道佢唔只攞一個半個電話，希望佢盡快搵返個女朋友。因為佢年紀都唔細，希望下一個主角係佢。」

【韋家雄婚禮】楊明爆戴耀明發女狂：抄晒姐妹團電話號碼

韋家雄特意回兒時舊地影婚紗相：返當日住嗰個門口影張相俾媽咪睇

韋家雄結婚超過80名藝人出席 超級綠葉兄弟團你認得幾多個？

戴耀明接受《香港01》訪問時，被問到姐妹團靚唔靚。戴耀明十分雀躍的說：「啲姊妹梗係靚啦，不過全部啲姊妹都彈我哋鐘。我哋咁靚仔，問佢哋攞微信都唔俾，我哋都好努力咁嘗試，但最後都被佢哋婉拒。啲女仔話我雖然靚仔，但冇安全感，話我花弗喎，所以攞唔到微信。（楊明爆料話你攞咗電話？）冇！邊有啲咁嘅嘢啫。楊明佢次次都砌我生豬肉，家雄哥結婚我哋唔做呢啲嘢嘅。（仲話你唔只攞一個電話，好似仲攞晒5個姊妹電話？）其實好似有6個姊妹，我抄咗5個，哈哈。不過仲有一個剩，嗰個係阿嫂個親細妹，阿嫂千叮萬囑，個個都可以整，唔可以整我個妹。雖然阿嫂落咗閘，我哋係同佢個妹會秘密地來往交換電話，叫佢唔好話俾阿嫂知，哈哈哈...」

戴耀明咁靚仔，拎電話話咁易啦。（點擊圖片睇靚相）