【再創世紀】丁子朗處男拍劇教鄧佩儀公式表白：現實中我好直接！

TVB重頭劇《再創世紀》播放後反應不俗，日前播出的劇情中終於輪到「小鮮肉」丁子朗出場。丁子朗在劇中飾演機不離手的IT天才阿Q，被周柏豪發掘，並加入其工作室成為旗下員工。首次拍劇的丁子朗就直言拍攝時相當緊張，難免會NG：「拍嗰陣冇發生蝦碌事，最多咪NG囉。咁新人一定NG嘅，但成日同我同場嘅阿Ben、柏豪同Gloria都好好，唔會俾好大壓力我，仲好包容我。食飯都會叫埋我一齊食，因為喺深圳拍，劇組啲飯太油，大家都要keep fit，所以我哋會一齊叫啲沙律share嚟食，佢哋真係好好嘅前輩。」

丁子朗在劇中雖然經常掛住打機，但他仍看出Gloria喜歡柏豪，並幫手獻計讓Gloria用公式表白。丁子朗透露現實中，自己也曾向喜歡的女仔表白：「當然有表白過啦，青春嚟架嘛。但我就唔會做埋呢啲數字符號，都係比較直接。因為直接啲講，個女仔都會直接say yes or no，咁就最好。（咁成功率大唔大？）你估吓。」

首次拍劇的丁子朗就稱比起拍攝綜藝節目，拍劇的感覺認真好多：「因為綜藝節目係做自己，氣氛開心就得。但拍劇要好認真做好個角色，兩邊都好好玩。其實我都好淘醉演藝世界入面，希望可以拍多啲劇，而綜藝就係俾自己悉放能量嘅地方。（嚟緊想做咩角色？）做咩角色都冇所謂。（網民建議你挑戰搞笑角色，話唔好浪費你呆底的天賦喎。）咁我又真係未做過搞笑角色，我估應該好難做，我暫時對自己仲未咁有信心，可能演奸角或者悲劇人物會幾好玩。」

丁子朗為人戇直，更被網民力推他做「馬國明接班人」。對此，他直言：「我都好鍾意馬明，好鍾意佢嘅演繹方式。佢真人又好nice，所以我都好鍾意佢，希望可以同佢合作，俾人話呆都係一件好事嚟。」