【颱風潭美】吳日言陀B同老公滯留沖繩　拍片報平安讚有人情味

日本近日受到颱風「潭美」吹襲，而沖繩更是重災區，機場需要關閉，不少到遊客都被迫滯留當地，而陀住BB的吳日言 (Yan) 就是其中一個。Yan同老公原定今日 (9月30日) 由沖繩搭夜機返香港，可是遇上「潭美」襲日走不到，要留多3日才獲航空公司安排到航班返港。Yan今日就於她的IG story上載了一段短片，講述一下她同老公目前於當地的情況。

短片中影住一間酒店的餐廳，Yan寫住：「自助餐避難所」她表示：「因為大家都滯留喺呢間酒店，所以酒店特別安排畀所有住客都喺呢度食buffet，服務真係好好。」又影住酒店安排了專車接送，由於太大風，酒店的職員都嚴陣以待，而Yan就被「潭美」吹到頭髮都亂晒，最後她同老公都安全返抵酒店，笑言：「出去食個飯都吹成咁。」她又大讚日本人好有人情味。

Yan又於IG post了大肚泳照報平安，佢留言話：「原本今日回港，因為颱台24（港稱：潭美）吹襲沖繩，所以機場同陸路都全線封閉。可能Baby貴人出門招風雨，不過放心，同大家報個平安，我會留在安全地方。」