江若琳比堅尼水著夏天最終回　孖住蕭潤邦布吉慶31歲同「屎」影相

夏天有咩係必做？除咗日日返工OT日做夜做之外，就梗係同陽光玩遊戲同埋游下水啦。雖然現已步入10月份的秋季，但尚有不少藝人趁機「捉緊夏天的尾巴」曬下太陽。9月30日就31歲的江若琳，最近就與未婚夫蕭潤邦到了泰國布吉旅行慶祝。因為藍天碧海實在太令人心曠神怡，就連一向甚少性感的江若琳都忍不住穿上泳衣打卡留念。當然，操刀充當攝影師的就是蕭潤邦。雖然水著並不算特別性感，但仍難掩江若琳美好身段。不過江若琳似乎就有點害羞，IG貼文上也只有遠距離拍攝的照片。

另一張「男友視角」的照片中，就完美呈現了這對準夫妻的互動。本應是浪漫的「男友視角」，但就似乎被未婚夫蕭潤邦完美破壞了。江若琳在IG上寫道：「網上之前好流行好多咩 #男友視角既post ! 今晚佢見到一樣野話好襯我即刻叫我拎住黎要同我影相 話一定好多人鐘意！#一篤屎的浪漫 #人地個d張張都好唯美 #我們的愛情故事只剩下騎呢」至於跟江若琳是甚麼呢？顯然就是一個泥黃色「便便」形物體...真係夠晒浪漫。