【星光熠熠耀保良】陳曉華中秋節狂食月餅：食滯咗睇醫生

香港小姐冠軍陳曉華（Hera)連同三位應屆港姐，出席《星光熠熠耀保良》探訪長者活動，並與長者一齊做熱身操，大玩反應遊戲，現埸氣氛熱鬧。Hera 表示讀大學時期修讀護理系，都會經常到院舍實習，便會接觸多了老人家，她在接受《香港01》訪問時說：「見到佢哋都會經常笑，同佢相處覺得好開心，喺佢哋身上我體會到做人唔好咁執著，因為佢哋對於生死或自己嘅病都唔會抱住咁大嘅執著，可能佢有病痛嘅時候，都會鼓勵自己都要盡力令自己開心，而我哋依家年青人都未必會做到嘅嘢。」

Hera由參選到奪冠期間，積極鍛鍊自己，從外表及內在都要準備就緒，內心承受極大壓力。她指：「雖然依家選完，但做訪問都會有啲緊張，仲要慢慢適應，但相比之下係冇之前咁大壓力。最近中秋節，我放縱咗少少，自己好鍾意食奶皇月餅，一次過食四五個，可能食「滯」咗，個人開始病，病咗幾日，之後睇醫生要食藥。」

袁詠儀早前在ViuTv《大明星》毫不忌諱，評論香港小姐競選似選藝人多過似選美。Hera直言：「其實我覺得香港小姐內在美都好緊要，靚嘅女仔周街都係，雖然競選期間會有才藝表演，可能會帶來壓力，但咁樣嘅比賽形式係鼓勵我哋成長，過程中會推動我哋更加投入去做一啲嘢，係會令我哋成長嘅。」