戴耀明圓亡父心願　首登巴士車身廣告：後悔無比佢過好生活

能夠見到自己嘅嘜頭出現喺巴士車身上到底有咩感覺？ TVB「御用傻仔」戴耀明入行25年，近日因一個地產廣告，令其嘜頭分別出現於不同的巴士車身上，戴耀明興奮得拍下多張有自己嘜頭的巴士圖，並在fb發文表示亡父與他的對話：「佢講笑地說 : ( 衰仔，希望有一天 老豆揸的巴士會有你的廣告，等老豆可以喺巴士面前影張相 )……對不起老豆，當年未能趕及完成你的拍照願望！！今天這埸景，希望在遠方的你看到。」

戴耀明接受電話訪問時，表示爸爸在他加入亞視初期（約20多年前)曾開玩笑叫他接一個可以有巴士廣告的廣告：「因為嗰陣只有大紅大紫嘅明星先會有巴士廣告，佢話如果有接到呢類廣告可以等佢威比同事睇，嗰陣我剛剛讀完訓練班出道。」戴耀明自此一直將這個玩笑記在心。自小已經是巴士迷的他，曾花上一星期整出一架紙巴士，問到爸爸做巴士司機時會否日日幫襯，戴耀明說：「又唔會，怕阻住佢工作，同埋嗰陣巴士未有冷氣，啲人成日喺上層食煙，一入隧道真係想死。」

「其實覺得自己幾唔啱，因為爸爸到後期行動好唔方便，但過程中……點講好呢……自己無俾過好嘅生活佢。」戴耀明指多年來因為工作關係，加上以前收入不多，故從未帶同父母外出搭飛機，到後來父親因患病而行動不便，就更無法出門遠行，現在偶爾想起也會覺得是個遺憾，但慶幸的時在爸爸離開前，他已經有了知名度。「爸爸因為老人痴呆症，媽媽要照顧佢都好辛苦，佢會成晚拍醒阿媽，大家都好崩塌。」由於是獨子關係，所以近年戴耀明就算北上工作也不會全身投入，近日他正忙於拍攝大台新劇《殺手》，預計11月完成。