【萬千星輝】李佳芯被喻視后級人馬　謙虛撐陳煒：私底下好鍾意佢

臨近年尾，電視界又開始掀起一股「台慶風」，除了提醒大家要努力煲劇之外，亦告訴大家無綫年度重點節目《萬千星輝頒獎典禮》迫近、各大小生花旦領取成績表的時間即將來臨。Ali今年的作品《BB來了》備受矚目，除了劇集本身質素高之外，Ali的演技亦大獲好評，網民更高度讚揚視Ali有資格問鼎視后。
採訪：賴家杰
攝影：葉志明

Ali自認小品難封后

能夠得到觀眾支持，Ali已經深感欣慰，但礙於《BB來了》屬小品劇集，她認為要奪視后成數不高：「不嬲公司小品（劇）攞獎都係難啲，但年尾嘅嘢我都無理喇，無得諗。（支持邊個？）我鍾意煒哥（陳煒），我自己私底下好鍾意佢，我好欣賞佢呢個演員同呢個人，但其實邊一個攞都值得開心。」

《兄弟》成台慶劇冧莊視帝有望？  王浩信指非重點：冀觀眾撐港劇

黑馬爭視后？朱晨麗自信未夠：諗都唔敢諗！

而《特技人》中，朱晨麗的演出亦大獲正評，雖然視后的提名名單仍未宣布，但網民們都力捧朱朱是今年的黑馬之一！然而，朱朱從未想像過能夠自己能夠封后：「唔敢諗，我都睇到網上面，而今次係見做畀機會我入圍。好多謝大家支持，而家出到街，大家都唔係嗌我個名，而係嗌May豬，所以入到圍已經心滿意足。」