多元化發展挑戰歌唱事業　陳煒：希望大家畀我把聲吸引

陳煒今日（23日）出席好朋友黃永幟的食店開張，煒哥笑言已經認識對方十多年：「對上次《深宫計》慶功宴我都上嚟請大家食飯，然後我希望佢畀個優惠價我，點知道佢請，我又欠佢一個人情啦。」問到煒哥廚藝那麼厲害是否在他身上偷師？「絕對係其中一個，咁自己鍾意煮食當然會觀摩好多廚師嘅煮法，喺佢身上真係學到好多。」

而煒哥剛剛忙完拍劇集《多功能老婆》，問到是否可以有時間鑽研新煮菜式？煒哥直言一定會：「有少少時間放假，都會約好多朋友食飯，因為之前欠落好多飯債，煮飯請佢哋食啦。」煒哥更透露十月便要開劇了，暫時沒有時間拍飲食節目，看來觀眾想學習煒哥的廚藝也要等一段時間了。

煒哥在事業上一直也是雙線發展，主要是拍電視劇和在主持方面，現在煒哥透露想三方面發展，「學緊唱歌宜家，之前冇點唱開歌，所以希望呢方面試下啦。」問到點解會有唱歌呢個想法？「想擴闊吓啦，同埋自己聲線都需要練習，希望之後大家聽到我把聲都可以畀我吸引到。」