女神甩拖　Jumbo：女人要有工作先可以鞏固愛情

27歲女神曾淑雅（Jumbo）選美入行以來，一雙長腿加上甜美的酒窩俘虜不少宅男。今年年初， Jumbo被影到與圈外才俊男友蜜遊台灣，但她接受《香港01》訪問時就自爆已經同男友分手。Jumbo表示：「依家單身，分咗手了。（幾時嘅事？）啱啱。（咩原因？）見光死啩，其實我好多朋友都唔想出鏡，所以我IG都好少Post朋友嘅樣。（涉唔涉及第三者？）無呀，我哋和平分手，依家仲係朋友！（準備好迎接新戀情未呀？）仲傷心緊…因為我以前細個比較鍾意黐住另一半。但依家覺得女人一定要有工作，先可以鞏固自己的愛情，所以我都會以工作為先。」

Jumbo19歲時參加中國小姐香港區成為三料冠軍入行，雖然參與過不少電影演出，包括《小姐誘心》、《PG戀愛指引》以及《空手道》等，但表現都未算突出，反而索爆身材就引起不少討論。問到入行8年仍未有代表作會否感到可惜，她稱：「唔會，每個人的經歷嚟嘅，其實有得拍戲已經好開心，可以喺銀幕見到自己都好難得。（但呢排好少見到你演出？）其實我都有返內地拍網劇，好似同梁烈唯拍嘅《失業皇帝2017》，旱排都拍咗一部未上叫《來自前度的炸彈》，兩套都係女主角。」

Jumbo簽約向展邦和向展威模特兒公司多年，下年就正式約滿八年，問到會否續約，Jumbo就表示：「其實我都有同公司同事表達過想轉型做健身教練，因為我都已經考咗教練牌。（所以唔會續約？）啲嘢又唔可以講到咁實，想嚟緊向健身呢個方向發展，希望兩邊都兼顧到，因為香港藝人專做一邊比較難，而且我都鍾意演戲，可能到時有打女的角色，我健開身可以即刻做到。」

Jumbo計劃在youtube拍片教健身，keep住人氣。她感嘆：「我始終係女仔，我都定咗目標30歲唔紅就退出娛樂圈，會專心喺健身方面發展。（youtube拍片怕唔怕同林芊妤（Coffee）撞橋？唔怕，佢係教瑜伽我係教健身。」

向展邦和向展威其實是中國星主席向華強的姪兒，兩位2011年創立模特兒經理人公司M.SPY Model Agency，旗下有Jumbo，還有羅彩玲（Vivian）等。向展邦又曾斥資千萬開夜店，而近年二人就將模特兒公司轉型為新銳的香港電影公司改名叫「中國兄弟電影公司」，主力開拍電影。