視后胡定欣貼地搭港鐵 屋企驚現過期4年茄汁：我見到都反自己眼
撰文：張嘉敏
出版：更新：
身為公眾人物，為求方便，好多時出入都會以的士或者私家車代步，不過胡定欣呢日就選擇了乘搭港鐵。定欣今日於她的IG story上載了一條她正在貼搭港鐵的短片，戴上黑超同化了淡妝的她一身低調的黑衫打扮，邊站在月台候車邊拿起手機拍片，之後入到車廂都繼續拍。定欣全程都笑得好開心，見她影住車上的行車線顯示牌，可以知道她正乘搭港島線往上環方向的列車。
其後鏡頭一轉就影住定欣家中的一樽茄汁，並寫住：「哈哈，最佳食用日期，真係低處未算低，我見到都反自己眼。」到底過咗期幾耐？她即時為大家開估，影住個茄汁樽蓋，原來戚2014年呀！足足過了最佳食用期快將有4年！記得早前定欣上《美女廚房》做嘉賓時，大騷她的地嶽廚藝，看來果然是好少入廚。而她最近就頻頻玩煮飯仔來練習烹飪，唔知呢樽茄汁掉咗未呢？