程瑤成立婚禮設計公司　才女卓韻芝成首個客人

向來積整參與慈善活動行善的程瑤，不時以「仁美清叙」主席身份搞慈善活動外，近年與老公朱仲賢為二人的大型活動製作公司又積極擴展生意版圖，繼去年投資千萬LED生意後，今年再搞婚禮佈置業務，開設婚禮設計公司。

卓韻芝更成為程瑤新公司的首個客人，以白色鮮花為對方日前的婚禮佈置，不過由於對方婚禮在颱風前夕舉行，程瑤非常緊張:「當時擔心因為颱風影響佈置進度，鮮花又送唔切，所以好緊張，最後順利完成首單生意。」開業不久已有星級客人，她直言非常開心：「她知道我們剛成立婚禮設計公司，特地給機會我們試試，感謝她的信任，希望這些怖置她喜歡，為她結婚送上小小心意。」原來程瑤過往也有出手為不少圈中好友的宴會場地「打扮」，而今之則正式「做生意」，她說：「之前有朋友都邀請我們為場地佈置，但當時只是諗住玩吓，幫到朋友就得，而佢哋成日都叫我做呢樣生意，今年公司成立30周年，上了軌道，所以試做呢樣嘢。」

程瑤自言是「花癡」，早前去荷蘭工作時看到一片花海後，便下定決心要搞這門生意，寓工作於娛樂，她說：「我好鍾意花，而且成日參加不同婚禮，見到花的佈置好靚，希望之後可以透過花向不同新人送上祝福。」她又笑言：「好多朋友話第時仔女長大後結婚，要我幫佢哋佈置。」至於有否圈中好友提早落order ?她則大賣關子：「身邊唔少朋友都搵過問詳情，但暫時唔可以透露係邊個，到時大家就會知。」