【2018亞洲小姐】梁雪瑤大懵着錯褲：喺條街行咗好耐都唔知

《2018亞洲小姐》9位入圍候選佳麗，換上全身運動裝，與德國體操王子金牌得主阮馬素，體驗全新器材，一展運動好身手。梁雪瑤（2號）表示：「自己好鍾意做運動，不過近來就放縱咗好多，乜都食下，見咗營養師之後，提供咗餐單俾我哋，就會開始食番清淡啲，講開做運動，我早兩日前將條運動褲反轉咗嚟着，去到gym room做完運動後，先發覺着錯咗，即係入更衣室整理好，成幾個鐘後先知，覺得好醜囉。」

梁雪瑤（Sheryl）出身自基層家庭，從小到大一家六口擠進只有300呎公屋生活，小時候渴望學習鋼琴，但明白家境清貧負擔不起高昂學費，開始變得自卑和沉靜。「我以前讀中學嘅時候好內向，好少同人傾計，好怕啲人知我家庭狀況，好多時候我都喺一個人坐埋一邊溫書，希望可以喺學術方面取得好成績，將來可以改變命運，後來搵到自己嘅興趣科目，成功入讀城市大學修讀副學士學位，性格開始變得開朗，希望透過今次參選《亞洲小姐競選》，突破自己，加深認識自己，從而了解自己不足之處，改善自己嘅缺點。」

Sheryl現時在一間建築師樓工作，去年獲得澳洲墨爾本大學建築系碩士學位課程取錄，雖然沒有足夠能力負擔高昂學費，Sheryl不忘在社交媒體《香港故事》撰寫自己的故事，鼓勵香港年青人勇敢追尋自己夢想。