《全民造星》最後倒數　狄以達甘願做好友Lokman伴舞

狄以達（達仔）昨天（12日）出席某餐廳開幕禮，主演的舞台劇於下月公演，而門票亦已於日前公開發售，達仔直言對銷情有信心：「開售之前內部認購已經去咗一啲㗎啦，有一日嘅場次嘅內部認購係賣晒嘅，但係我都驚嘅。但最好梗係賣晒啦！」他表示希望能把舞台劇的規模「越做越大」，他朝一日登上能容納更多觀眾的場地。

達仔在舞台劇劇照上特意展示出留鬚的造型，為何現在又剃鬚了？達仔坦言自己一向都喜歡留鬚，只是因為工作關係才剃鬚。被問到公演時會否再次留鬚，達仔表示也在苦惱中：「我諗緊留唔留得切，或者留個二撇雞都好吖！」

被問到身邊朋友有沒有要求留飛，達仔坦言：「劉德華就話買唔到飛啫，JJ（林俊傑）就話買唔到飛啫，我哋呢啲上網買都買到嘅。（有沒有邀請Hera？）我哋佛系心態，緣分到自然可以到，都無話好刻意去做啲乜嘢。」

有份參演舞台劇的楊樂文（Lokman）於Viu TV《全民造星》殺入倒數階段，與Lokman老友鬼鬼的達仔都很為好友感到緊張，更說願意為兄弟做伴舞：「佢都會問我『我呢個表演咁樣做好唔好啊』，我都好希望自己能夠幫到佢，希望可以用我過往表現嘅經驗幫到佢。如果同台嘅話我衝上去幫佢跳埋啦！（如果個mission係同星級導師一齊跳嘅話呢？）都唔使星級導師，我伴佢舞啦梗係！」達仔表示會盡力幫Lokman拉票，希望他能得到好成績。