【陳展鵬單文柔結婚】細數7對拍拖2年內結婚藝人　最快只有4個月

陳展鵬日前宣佈同女友單文柔拉埋天窗，睇返時間，兩人由相識到今日，兩年時間都未夠，雖然講唔上係閃婚，不過都算快喇！講開時間，喺呢個年代，拍拖到結婚其實已經唔需要好耐時間，陳單兩人用咗兩年，圈中有不少人比他們更快結婚，最短更加只有數個月。

在今年2月，鍾欣潼阿嬌宣佈自己即將下嫁「醫界王陽明」之稱的台灣整形醫生頼弘國，他們兩人在10月才公開戀情，即使計埋未公開的時間也一定不長，以公佈時間計更只有4個月，的確是極之快速。

TVB綠葉韋家雄，在今年年頭也宣佈跟銀行工作的鄧楚雅（Keynes）拍拖，兩人在同年已經結婚，愛情來到的時候果然點擋都擋唔住，雖然兩人年齡相差20年，不過從此睇得出，只要相愛，無論時間同年齡同唔會有影響。

香港四大天王之一的城城郭富城，在2015年被爆出跟內地網紅方媛拍拖，雖然兩人未有正式承認，但2016年4月便宣佈結婚擺酒，拍拖到結婚不到兩年。雖然網民大多不看好這段婚姻，不過方媛生完一胎又傳出多一胎，睇怕網民嘅睇法未必準。

之後落嚟仲有另一位紅星余文樂，樂仔在2016年喺Instagram post出1張背影照，宣佈自己跟台灣29歲模特兒王棠云拍拖。兩年都未夠，上年年底兩人便宣佈結婚，今年5月仲生埋小朋友，認真幸福。

跟住有3位TVB藝人同樣是2年內就結婚，第一位是胡杏兒，在跟黃宗澤分手後，她很快被爆出跟金融才俊男友李乘德拍拖，更在一年之後便結婚，半年後仲有埋BB，而家出雙入對相當幸福。

第2個就係近排有喺《再創世紀》出場的鍾嘉欣，在2015年跟脊醫男友Jeremy拍拖，只拍了十多個月便宣佈結婚，當時佢仲話識咗男友4日就已經認定佢係結婚對象，最近又生了仔仔Jared，三年抱兩。

最後當然是陳展鵬和單文柔喇。