陳展鵬高調曬愛　IG隔空冧未婚妻單文柔：是她，也是唯一

現年41歲的無綫視帝陳展鵬 (煎pan) 終於變成了有腳的雀仔，於昨日宣布即即與拍拖一年多的28歲女友單文柔 (Phoebe) 結婚，有傳煎pan早於當年Phoebe在2016年參選港姐時已經睇中了她，真係緣份天注定呀。一對準新人昨日仲向傳媒發佈了他們於英國同法國影的pre-wedding靚相，淨係睇相都令人覺得好sweet！

而一向對感情事低調處理的煎pan，繼昨日高調宣布婚訊之後，今日又分別於微博同IG連橫公開曬愛，向未來老婆Phoebe示愛兼大曬幸福！煎pan於微博上載了一張他與Phoebe的婚照，留言表示：「是她」，又於IG上載了同一張相寫住：「係佢啦」明顯係要話畀大家知Phoebe就是他的真命天女。

之後無耐煎Pan就再post另一張兩人手掂手並情深對望的婚照表示：「也是唯一的！」嘩，使唔使咁冧先？講到明今生只愛Phoebe一個，簡單5個字足以媲美愛的宣言。而Phoebe亦有隔空回應未來老公仔，於IG post婚照話：「多謝你讓我成為你生命中的女主角」。

一齊睇下呢對準新人嘅pre-wedding靚相啦。