張景淳離開十年《文化新領域》主持崗位:正式完成我的duty了!
![張景淳離開十年《文化新領域》主持崗位:正式完成我的duty了! 張景淳離開十年《文化新領域》主持崗位:正式完成我的duty了!](https://cdn.hk01.com/di/media/images/1849888/org/30dfbc346e9587ce81196e0c8bb047d8.jpg/iWO6aWJ8f8iVDZqe9XgdG802-GwrHxRainwIj4p8CI8?v=w1920r16_9)
撰文:洪曉璇
出版:更新:
人人每日都只得24小時,除咗食飯沖涼瞓覺,好大部分時間都喺工作中度過,但當工作接踵而來無法分身時,就要作出抉擇啦。張景淳入行以來,一直系主持拍劇兩邊兼顧,擔任資訊節目《文化新領域》主持更已經足足十年時間。聚有時散有時,呢日張景淳出post透露最後一次為節目錄影:「正式完成我的duty了。」
![原來張景淳已經主持左十年《文化新領域》。(張景淳IG) 原來張景淳已經主持左十年《文化新領域》。(張景淳IG)](https://cdn.hk01.com/di/media/images/1849895/org/8e7a9ae2c2bfe3d0fb562cab3c31584c.jpg/P7Mvppk-vEA2Mqv22aafTUXMSCAFEKXEQrPPbUKzz20?v=w1920)
張景淳自從加入《愛‧回家之開心速遞》劇組後,戲份日漸加重,時間分配上愈見困難,張景淳正式離開主持十年嘅節目《文化新領域》,佢話:「不是我作的決定,但是,是一個安排。」張景淳于IG貼上多張最後一日錄影嘅照片,留言表示:「陪伴我十年嘅節目《文化新領域》,今日正式完成我的duty了。謝謝這裏帶給我的一切,這裏陪我走過很多高低起跌。監製導演寫稿一直對我既包容同栽培。特別系屬於我的一個小團隊莊思明、彭慧中同埋焦浩軒,一直以來,好開心同你地同team!Im gonna be missing you three!All the best!別的戰場上再見。」
同張景淳合作主持多年嘅莊思明亦分享感受:「今日系我哋4個最後一次一齊錄影文化新領域,因為大師兄畢業啦,佢要忙其他嘅工作所以唔能夠再同我哋一齊主持節目。轉眼間已經同你合作咗3,4年,雖然平時好少會約見面但每次開廠大家都會雞啄唔斷咩話題都傾,所以每次開廠都系充滿笑聲。好開心可以有機會同你一齊主持節目,多謝你成日幫我執生。」
+1