【新舞林大會】徐子珊衰多口咒自己：最後一次　跳完即被叮出局

徐子珊近年甚少在香港出現，除因為要打理自家珠寶品牌外，最近佢亦修讀心理學碩士課程，不過，有錢又無理由唔賺嘅，日前佢就去到內地參加《新舞林大會》錄影。對於四歲開始學跳芭蕾舞、十四歲轉跳Hip Hop和Jazz嘅徐子珊來說，呢個節目真係沒有不參加的理由。節目中，徐子珊先與同組嘅楊丞琳、吳昕、盛一倫大跳犀群舞，表現十分合拍，而在solo環節中，徐子珊同舞蹈老師張思旋上演了激情十足的探戈，徐子珊嘅柔軟度及踢腿功，令同場嘅藝人都嘆為觀止，唔少網民亦因而發現徐子珊擁有S身形，並指佢跳舞時十分有氣質。

雖然徐子珊表演時十分淡定，但佢之後發表感言時就緊張到口震震：「很緊張很緊張，因為這是第一次登上這個舞台，也可能是最後一次。不管怎麼樣啦，我希望大家都會喜歡我的表演。」 徐子珊為了今次的比賽，於錄影前一天，排練至凌晨三點才返回酒店休息。臨場發揮確係幾好，可惜同場對手太過強勁 ，最終未能成功晉級，對此子珊謂：「我很享受整個過程，盡了力不留遺憾已經很好。」子珊又搞笑的表示，當現場近90多名觀眾投票時，她只暗暗希望自己的票數能超過10票，畢竟對手是真的太強了。而事後唔少網民都認為由於吳昕同盛一倫在內地較為多人認識，所以在觀眾投票環節上，一定會比徐子珊佔優，亦有不少人認為徐子珊才剛上場就被淘汰十分可惜。