【後生仔傾吓偈】馮盈盈係投訴高手　網購遲遲未到：忍唔住發脾氣

由麥明詩、馮盈盈（FYY）以及陸浩明主持嘅無綫節目《後生仔傾吓偈》最新一集以「投訴」為話題，一齊分享吓啲無理投訴咁。其實香港素來有「投訴之都」嘅稱號，FYY作為香港小姐，香港嘅代表，當然唔會缺乏呢種特質！原來仲係「高」手嚟添～

【後生仔傾吓偈】麥明詩狂爆另類性暗示 博士級馮盈盈都接唔到口

事源係FYY屋企樓上裝修搞到佢朝朝都無覺好瞓，所以佢就決定上網買個所謂嘅隔音枕頭等自己可以安心入睡。豈料件貨就遲遲未到，由原先兩個月嘅貨期搞到最尾兩個幾三個月先到，FYY終於都忍唔住：「樓上裝修完都未到！我真係忍唔位要發脾氣！」結果，FYY最後打去投訴，仲成功拎咗個10%嘅折扣優惠添！不過最眉精眼企嘅都係6號，走去問FYY個枕頭嘅隔音功能，FYY無奈咁話：「無，完全無。」即係話FYY投訴成功，最後得到擺設一件，高手！

FYY話晒都係「性博士」吖.......咪以為講投訴就無黃色嘢先得㗎？點擊下圖放大：