無綫「御用死人」曾琬莎演藝路超艱辛：真係死咗好多次

無綫「9月之星」生日會，今日（6/9）在電視城舉行，為一眾壽星仔女慶祝，現場設有大抽獎，氣氛熱鬧。曾琬莎（Kate）呢個名字可能大家唔係好熟悉或帶點陌生，經常喺劇集中扮演「死人」，多套劇集最終都係冇好下場都係要死，故有無綫「御用死人」之稱。Kate笑言：「自己可以咁講，無論古裝，民初，時裝，喺戲裡面，真係死咗好多次，收過好多封利是。我有試過做宮女，幫皇后去送毒酒，但最尾畀皇后賜死。又試過喺另一部劇畀皇后勒死再掟落魚塘！」

點擊下圖一齊回顧吓曾琬莎喺無綫劇集《耀舞長安》點死法！

其實曾琬莎都試過唔係演死人嘅

Kate由藝員訓練班跳入公仔箱做演員，已經有12個年頭，經常被安排做一啲戲份唔多嘅角色，她從不介意自己戲份有多重，只希望能盡心盡力演好每一場戲。「其實唔同嘅角色，有唔同嘅心路歷程，每一次都會演唔嘅嘢，好記得有一次喺劇集《仁心解碼2》，講我害死咗媽咪，在靈堂出殯，當時令我想起18歲時，媽咪意外過世，喺靈堂中我喊到收唔到聲，我知道演藝圈條路好難行，同樣會遇到好多挫折，但我仍會堅持走落去，因為呢個係我嘅夢想，堅信媽咪會一路守護住我。」

無綫劇集《丫鬟大聯盟》，Kate飾演一名醜婦，面上有一個大胎誌。「今次呢個角色做人老婆，對我嚟講都幾有挑戰性，之前都係做一啲宮女做妹仔嘅角色，呢個角色好似為我度身訂造，唔係做下人丫鬟嘅感覺。」其實Kate都有參與大製作，好似無綫重頭劇《宮心計2深宮計》劇中飾演秀樺（司設房女史），雖然戲份唔重，但演技亦備受關注。