《美女廚房》張振朗用蕉餵飽美女學徒　邱晴：問我哋有冇人食蕉

早前有報導指無綫節目《美女廚房》的一班美女學徒因做佈景板兼薪酬低而不滿，惟今日洛兒、余潔瀅以及邱晴等多位學徒亦隨節目出海開船P！雖然未見泳裝上陣，或者和阿Bob因血管栓塞入院通波仔有關，不過長腿絕不欠奉！

早前主持之一的阿Bob林盛斌因為入院做通波仔手術而缺席其中一次錄影，洛兒、余潔瀅和邱晴受訪時表示非常擔心，亦透露他入院當日集合了所有美女學徒拍片給他鼓勵，還笑言往後為三位主持煮「美食」時會盡量少油少糖，洛兒：「會錫住佢㗎喇。」其實薪酬低的消息屬真屬假，一班美女學徒的工作心態並無影響，反而更珍惜能夠在節目上所學習到和得到的機會，余潔瀅：「人工高低，其實都係因人而異，唔同人都有唔同諗法。」另一方面，她們更非常享受每次為《美女廚房》開廠，其中一個原因是張振朗條蕉！

除了在鏡頭前爭取表現，一班美女學徒在鏡頭後亦非常積極，每次錄影都期待放break（小休），邱晴解釋：「放break嗰陣張振朗就會喺個super market入面拎啲蕉掟出嚟，問我哋有冇人食蕉，然後我哋就好似馬騮咁搶住要！」問可有特別喻意？洛兒解釋：「無，其實係怕我地肚餓啫。」

提到張振朗集集在鏡頭後向美女學徒掟蕉一事，兩位好拍檔不幫忙解話之餘，更即場畫清界線，蕭正楠：「識女仔有好多方法嘅，掟蕉就其中一part啦，見監製唔出聲，咪由佢囉。」阿Bob亦唱雙簧：「我哋有時見到啲都好過份，但我哋唔講，掟咩蕉呢？你自己解釋吓。」張連忙解釋：「其實阿蕭都有掟！咁佢哋肚餓吖嘛，入面又淨係得蕉畀佢哋食，我問佢哋邊個食蕉嗰時佢哋又個個好踴躍咁，咁我咪集集都掟囉。」蕭續說：「其實最初係諗住我哋幾個食㗎啫，佢哋就話食蕉呀？佢哋都想要，點知一舉就十幾人一齊舉。」阿Bob更笑言派蕉的情況有如劉德華開演唱會時的氣勢，接著三人更紛紛模仿起來！

無綫改播《延禧攻略》《美女廚房》腰斬翻生無期