【港姐2018】51歲朱潔儀爆港姐辛酸：當年練到腳皮流哂血！
撰文：吳子生
出版：更新：
「海外僱佣中心，我細細嗰就聽過呢個名喇」相信大家都對這個廣告都好有印象，廣告中女主角為1989年港姐亞軍朱潔儀，事隔多年，她已成為一位畫家，昨日出席《憑著愛-當代女性藝術展》活動，除了分享畫畫心得之外，亦有講返當年選美的趣事，她說：「「我嗰陣都好辛苦，第一次著高踭鞋，準決賽之前嗰晚，排到夜晚１２點幾，我啲腳皮損哂同埋流哂血…第二日其實隻腳都冇哂感覺，但上到台都表現得好淡定，因為妳係代表港姐。」
除了綵排辛苦，朱潔儀亦經歷過選美的明爭暗鬥，「記得準決賽之後，有啲落選佳麗打電話畀我，『妳不如退選啦，已經內定哂啲結果喇，』但我梗係唔會退選啦，咁辛苦先入到去。」好彩朱潔儀醒目無受到這位落選佳麗疏擺，否則都拿不到亞軍啦。