前夫黎明公開BB女玉照　樂基兒都想「造人」：同老公都嘗試緊

樂基兒（Gaile）日前（9月1日）出席Tumi品牌活動，暫時留港生活的Gaile表示自己夏天或冬天就會回美國探望家人：「個人越大會更加掛住媽咪同埋同屋企人相處嘅嘅時光。」其實Gaile結婚已差不多有一年時間，未知她的家人會否跟香港人傳統家庭一樣，希望新婚夫婦盡快生小朋友呢？Gaile接受《香港01》訪問時說：「我屋企人就冇，你都知，我哋只係啱啱結咗婚一年，不過我哋都嘗試緊。」問到打算甚麼時候「造人」，Gaile說：「都冇話特別計劃，不過我哋幾時都歡迎。」

問到樂基兒（Gaile）最近的工作，她就表示現正籌備建構一個網站，內容會有關於Yoga、Food、Beauty。Gaile說：「整體上係一個關於生活品味的網站。」Gaile表示這個網站是一個與大家分享的渠道，希望與其他人分享一些經驗與智識，從而幫助到其他人。問到在這個網站上會不會看到Gaile做瑜伽呢？Gaile回答：「That need to wait until the web-site launch。（等到網站你就會知道。）」

提以及Gaile前夫黎明的B女照曝光，Gaile說：「我冇睇過張相，不過我非常非常替佢哋開心。生小朋友係一個奇蹟，同埋係一年好美好嘅事。我真係好替佢哋開心。」