陳法拉找數貼水著相　投訴法籍男友攝影技術有待改善

陳法拉今日（30日）回港出席品牌活動，但因為來去匆匆，所以未能夠好好約朋友出來聚會。法拉在訪問中又坦言自己最近忙寫劇本：「係一個英文劇本，而家每一日朝早7點起身，8點去到咖啡店，我一定要去咖啡店，因為我喺屋企係寫唔到劇本，因為自己規限自己作息時間係好難，所以約埋幾個編劇朋友8點去到10點，寫兩個鐘，強迫自己寫，冇得上網冇得玩，只可以係咖啡店，每一日都係咁，雖然會有其他事情會做，但起碼有兩個鐘可以寫劇本。」

提到法拉早前在社交網站公開泳衣照，她笑言是「找數」，原因是早前回港承諾過傳媒會發泳衣照：「我係咪好有誠信呢？」問她是否滿意法籍男友為她影的相？法拉回答：「其實影咗好多張，一張去天，一張去地，都見唔到個人，但又唔係咁差，要溝通，因為男仔女仔影相好唔同，女仔想要嗰個角度，男仔又會用咗第二個眼光，所以大家永遠要溝通。（咁佢攝影技術點？）有待改進。」