【森美旅行團】丁子朗健碩身型有代價：一星期狂食20隻雞蛋

主持人森美、麥美恩、丁子朗、吳若希今日（24/8）出席無綫飲食節目《森美旅行圈》祝捷會，首集最高收視23.7點，第二集更有25.2點，創下全年最高收視綜藝節目。吳若希笑言：「攞到個咁好成績非常喜出望外，去到第二集我地出場，拉高咗成個收視，完全喺我地嘅功勞，我地同Mayanne做節目好開心，佢個人就喺一個樂趣，成日都做錯嘢，好「傻大姐」嘅感覺，喺好開心嘅。」

丁子朗在節目中，同森美一齊浸浴，兩大型男一齊show肌，甚為吸睛。原來子朗為咗呢個旅行團，地獄式訓練操肌。子朗直言：「當我接到話要參與呢個節目時，冇人同我講會浸浴或者裸露身體，但心諗：「如果到時要除衫拍咪出事。」因為森美個身型勁靚，所以我用咗兩個月時間去操肌準備，每日用兩個鐘，差不多練足一星期，每日狂食雞蛋白二十隻。之後到拍真喺要除衫，好在有準備，自己都覺得冇白費到心機，拍出嚟效果都好好。」