【港姐2018】黎諾懿盼港姐「紅館」舉行：保留傳統變番香港人嘅事
撰文：林通賢
出版：更新：
20位候選佳麗現身將軍澳為《香港小姐競選》宣傳造勢。今日（21）大會安排20位候選佳麗穿著泳衣到泳池邊，會晤各大傳媒採訪，眾佳麗狀態大勇。緊接20位候選佳麗投票選出心目中最具「友誼小姐」，得獎喺陳靜堯（8號）並由星級評判黎諾懿、李施嬅頒發獎項。
《香港小姐競選》曾經試過在紅館舉行，是香港人的大盛事，隨著時間改變，如今已變成小盛事。星級評判黎諾懿坦言：「我自己比較支持傳統啲嘅選美方式，始終香港小姐一年一度，雖然改革喺好嘅，但有時有啲嘢偶然要保持傳統囉，好似以前香港小姐都會喺「紅館」舉行，都喺一種尊重，見到一班女孩子為咗選美，又要減食減磅，只喺畀得一晚人睇，所以我希望可以攪番大盛事啲，變番香港人嘅事。」
港姐星級評判李施嬅今日發燒帶病上陣。「今屆港姐個個都好平均，每一個都好靚，反而我今日個狀態就好差，成身都腫哂，因為我去馬拉拍嘢，食咗好多榴蓮，食咗好多鹹蛋黃同啲煎炸食物，前幾日成塊面生晒粒粒，面又腫啦，稍後我哋會去非洲旅行，琴日同姚子羚一次過打咗三支防疫針，琴晚就跟住發燒。」