【開心速遞】陳偉琪演奸角有壓力：好擔心外間啲人對我反感

陳偉（Vicky）為名牌護膚品牌活動擔任司儀，一身古銅健康膚色嘅Vicky，原來平時都冇乜講究護膚：「我平時都好懶，唔使使嘢嘅時候我都唔化妝嘅，用護膚產品都要用全天然，隨身都只喺有兩支護膚品，陪我走天涯。」

Vicky平時一得閒就會抽時間，去同陽光玩遊戲，不過對比起上個月，Vicky膚色好似白返啲冇咁古銅噃：「因為近日忙開廠拍《愛·回家之開心速遞 》，呢套戲裡面我飾演一個比較sexy又比較奸嘅角色，作為一個好嘅演員，就要演好每一個角色，從來都冇計較，反而自己覺得有更多發揮空間，之前都會擔心呢啲角色會令人對我反感，但到我行街時，見到啲市民都會話好支持我，讚我做得好好。」