梁朝偉早前出席《歐洲攻略》首映，接受訪問其間，除了自爆不懂玩facebook外，亦爆了一個演技小秘密，原來拿過無數次影帝的他，到現在都不敢演舞台劇，他說：「我暫時未敢做舞台劇，因為好驚囉，要好好準備，現場唔可以NG，所以壓力係好大，我拍戲都好大壓力呀，牙醫話我磨牙好嚴重，佢就整咗個牙套俾我，咁我每個星期都要去檢查，佢就發現我，放假嗰陣就唔會磨牙喎，咁我就知拍戲嗰陣，我要求自己好高，會俾自己好大壓力，所以我好鍾意放假，唔係好鍾意返工。」