簡淑兒曾慘被同學欺凌　遭掟雞蛋未算最慘：又剪我啲頭髮

中國人在外國生活受到歧視可算是幾普遍的現象，原來簡淑兒 (Jessica) 都試過這些經歷，Jessica日前接受電台訪問時透露自己小時候曾經遇過校園欺凌事件。當年只有8歲的她隨家移民到美國，在美國讀書的她就受到當地同學的欺凌。Jessica說：「嗰時我哋一家人住喺意大利人區，得我哋嗰家人係中國人，被同學歧視。因為嗰時我仲未識講英文，啲同學就覺得我好奇怪，唔鍾意我。」

Jessica憶述這段往事說：「試過聖誕節期間，我喺屋企門口布置緊，啲同學行過就成隻雞蛋掟埋嚟，又試過收到恐嚇信，信上面畫咗一啲好核突嘅公仔。我又試過喺學校，畀坐喺我後面嘅男同學剪我啲頭髮，被同學推落樓梯。就算老師知道咗，都唔會理，會當聽唔到同睇唔到。」