【港姐2018】梁致欣揾教練操完美身形：呢段時間我減咗10磅

今日（10日）眾港姐後選佳麗現身將軍澳，各人穿著不同泳裝為港姐宣傳活動造勢。首次面對傳媒，部份佳麗睇落有啲緊張。可能今屆焦點落在大熱何泳芍（Honey）身上，忽略了其他後選佳麗。梁致欣（3號）雖然個子比較細少，今日著起三點式泳衣上圍甚有睇頭，身形修到好乾，一啲小腩肉都冇，是怎練成的？

梁致欣表示：「自細喺澳洲生活，都飲好多牛奶，其實我唔係好在意自己個胸圍有幾大啦，睇落自己身形平均Fit就得，其實都好多謝我嘅健身教練幫我操到咁Fit，之前就冇做開運動，喺參選咗之後就做多咗運動。近呢兩個禮拜就不停做Gym，喺飲食方面會食得清淡啲，小澱粉高纖維，令自己線條靚啲，呢段時間都減咗10磅。」