林芊妤陀B七個月胎盤前置或需剖腹產子：歐洲度蜜月假期也取消了

懷孕十個月對女士來說，面對住極大轉變，好彩嘅就只係體重增加水腫易攰，有啲人孕吐足7個月食乜嘔乜，嚴重起嚟好似當日徐若瑄為保胎兒卧床142日一樣在所不惜。Coffe林芊妤宣佈有喜以來一直keep住工作，日日做瑜伽陀B都陀得靚過人，不過其實孕期中佢都要面對挑戰，原來Coffee胎盤低有機會無法順產。佢接受香港01訪問時就話：「醫生叫我多啲休息。」

陀住6個月孕肚時Coffee都係得25吋腰，手腳纖幼肥B唔肥人真係羨慕死人。宜依家懷孕28周嘅Coffee呢日於網上分享孕照，不過留言就唔太開心啦：「不是所有懷孕過程都是順利的，孕婦經常會遇上不同問題，例如妊娠糖尿或胎盤前置等等。原因不一定是因爲媽媽問題，很多先天和後天的因素影響著。但因不是一般正常的孕婦，而要改變正常的生活和工作，難免不習慣和心情失落。而其實我也是胎盤低的媽媽……」

胎盤低或者BB陀得低，其實係泛指有胎盤前置問題，有機會導致產前出血情況，所以Coffee知道自己都有呢個問題都有啲憂心：「有很多媽媽告訴我她們要一直睡床，而我屬於較幸運可以自由活動，但為免出血還是要比正常孕婦小心，連歐洲度蜜月假期也取消了。如果到32週後胎盤還未上升，就是胎盤前置可能要剖腹生產，對於我一向打算自然生育，也同時活躍於自己工作和生活。當然會感到有點兒的失落，但明白到不是所有事也能控制的。」

Coffee接受訪問時表示：「無完全停工呀，簡單工作仲ok，醫生都係叫我休息多啲，簡單孕婦瑜珈仲可以做。」Coffee透露醫生話係應該因為以前做過子宮既手術，會學習「放慢腳步」，等多3個月就可以同BB見面啦。