【多圖】TVB劇《殺手》角色造型好突出 美魔女演鳳姐入晒格
無綫新劇《殺手》今日舉行造型記者會，女主角李佳芯電了爆炸頭，外型同《ＢＢ來了》及以往的角色好唔同，不過最爆一定係江美儀，劇中她飾演深水埗鳯姐，今日更以窄身護士衫造型出席記者會，她說：「劇裏面角色，我係「一樓一」嚟，我真係走去訪問過佢哋，我直接去佢哋工作地方訪問嘅,，我同佢哋傾偈，佢哋話都會著呢啲制服或者cosplay，我有編劇同我一出去嘅，咁我話套劇都可以加呢啲喎，所以我會有護士、漫畫呀、OL嘅造型，我假髮都有好多個，我真係第一次著護士衫，仲要件衫越改越窄。。。。」
江美儀深水埗鳯姐造型逐格睇
江美儀為了這個角色，四月已開始做功課：「我睇咗好多書同訪問，其中一個港台訪問，就訪問了一個姐姐仔，我發覺佢哋嘅講嘢方式，同我想像好唔到，我就想同佢見下面，咁啱個訪問主持係陳倩揚，我就打俾佢，叫佢幫我聯絡下，咁原來個訪問係姐姐仔會安排嘅，我就寫咗電郵去姐姐仔會，就話我要為我新劇嘅角色準備，你哋可唔可以俾我訪問呀？佢哋又回我呀，跟住就安排咗訪問喇.....我記得有件趣事嘅，嗰日去到「俾個地址嚟，我自己上去啦」，５分鐘後佢whatsapp我，「江小姐呀，妳都係知名人仕，呢啲地方真係唔適宜妳自己一個走上嚟，不如妳戴個口罩同帽，我帶妳上嚟好嗎？」呢次之後我仲同佢做咗朋友，我而家啲造型都會send俾佢睇睇。」
除了江美儀，龔嘉欣Rock女造型亦令人有驚喜、她說：「我平時畀大家形象同感覺都會好女生或者好sweet，今次剷青，我都有啲接受唔到，但我都會做，做演員係要嘗試唔同事情，好彩大家都話好正。」但呢一個打扮會唔會似外國Cosplay？嘉欣直言：「宜家好少照鏡，都係大家睇得我多。」
除了江美儀、龔嘉欣外，男星就以何遠東最出眾，一身造型原來飾演時裝設計師，東東更笑言呢一身打扮係向陳山聰致敬。講番劇中角色，雖然東東表面上係時裝設計師，但暗地裏係一個殺手中介人，即係高層，所以東東講明今次會玩好多手段。
《殺手》各演員造型都幾有心思，絕對唔係以住無綫劇的格局，大家可以睇下