【盧凱彤逝世】林一峰FB悼念：天地再大我亦會找到你，改天相見！
盧凱彤（Ellen）跟林二汶於2001年組成at17出道，而林二汶哥哥林一峰一直都跟Ellen感情要好。一向以「阿妹」稱呼Ellen的一峰下午在Facebook上載了一張天邊一道光的照片，以自己的歌曲《再見雪人》來悼念Ellen：「天改變 地改變 今日將變作昨天 明日卻未會為某些禱告改變 但我的心 留給你 不會蒼老 永未休止 等待有日你在遠方終於也化身飄雪 天地再大我亦會找到你 改天相見」。
【盧凱彤逝世】《全民造星》監製震驚：尋日錄影佢好積極話要增肥
相關文章
【盧凱彤逝世】為《紅Van》配樂時陷低潮：朝早喊完就去做配樂！
【盧凱彤逝世】《全民造星》監製震驚：尋日錄影佢好積極話要增肥
王宗堯：了解唔到，好難相信！
另外，同樣跟Ellen一樣支持平權的藝人王宗堯接受《香港01》訪問時，透過Whatsapp表示之前跟Ellen在公開場合及平權活動見過面：「大家都相信一啲同樣嘅價值觀，都想透自己嘅工作，將一啲自己想講嘅訊息宣揚開去，信無論佢嘅作品同埋人生都好......好鼓勵性。所以今日無論係識佢嘅人又好，同佢一齊做過嘢嘅人都好，對呢件事都會好愕然，好多人都係最近去書展嘅時候見過佢，有啲人係噚日全民造星見過佢，有啲人係前日Eason簽約嘅時候見過佢，大家都覺得佢表現上係無問題，咁所以了解唔到，好難相信呢件事，大家都覺得好心痛，好愕然。」
森美：關心多啲身邊嘅朋友
至於跟Ellen做過不少訪問的森美就表示非常惋惜，對上一次跟對方見面就是做電台節目訪問：「都有段時間，所以都唔係好清楚佢嘅情況係點，我淨係睇到啲新聞，實際情況都唔知。圈內同圈外都有好多朋友將消息互相通知，同時間都關心大家，我都覺得好重要。關心多啲身邊嘅朋友，如果佢唔開心嘅時候，可以幫助到佢，令佢覺得呢個世界更加正面好重要。有啲人話幫唔到，其實都唔係幫唔到，如果你發覺關心對方嘅時候好負面，咁你就可以從佢負面反應當中就測試到佢響起警號，可能就需要更加多幫助，所以多啲關心係有用。」