任賢齊受咗乜嘢刺激要怒增50磅？　「最近老被笑是油膩的大叔」

現年52歲的任賢齊，最近喺微博post嘅相，都嚇親唔少粉絲。皆因出道以嚟一向Men爆嘅小齊竟然變成一位凸腩大叔，唔止粉絲接受唔到，連小齊都話：「最近老是被笑是油膩的大叔⋯哎！只能看看自己小鮮肉時的照片安慰一下⋯」。

明明小齊平時做開運動，點會容許自己變咗咁呢？原來小齊係為咗一部台灣導演執導嘅新戲要由瘦拍到肥再變返瘦，所以小齊今年3月起開始增磅，日食6餐，至今體重已經超過200磅。小齊仲透露依家身體又怕喘又怕熱，胃酸又常常逆流，連大腿都出現橙皮紋，睇嚟小齊為咗呢部戲真係去到好盡呀！

見到小齊變成咁肥大叔，好多粉絲都留言表示心痛，仲話無論小齊變成點永遠都係大家心目中嘅男神。但聽講大部分人都係易肥難瘦，大家就期待下小齊嚟緊嘅減肥血淚史喇！