陳庭欣自爆生日獄中渡過　工作重心將投放電影圈

陳庭欣（Toby）周四（2日）出席TVB舉辦的8月星辰活動，Toby慨嘆今年生日要喺監獄渡過，點解會咁，原來係因為接拍一部電影，要飾演囚犯。Toby覺得今年生日要獄中渡過相當特別。Toby表示：「其實套戲名字未定好，所以都唔知道，不過即將會開鏡拜神。」

拍電影方面Toby話自己唔算接觸好多，但佢好慶幸有參與機會，「上年拍攝一部《L風暴》即將上映，又喺8月發生，所以我覺得8月好忙，但期待呢一個宣傳來臨。」聽落Toby好似將會重心放落電影？Toby就話冇個想法：「其實有工作我自己會去做，但真係好好彩上年一部電影今年又一部，叫做一個新嘗試啦。」

Toby生日要「獄中」渡過，咁咪唔可以同男朋友一起慶祝？Toby笑言：「咁多年我都將工作放第一位，所以佢會明白。」但願望之一有冇諗過係結婚，Toby直言：「冇，因為我覺得結婚唔係願望，係要兩個人相處合適先會行下一步。」