江若琳被指係第三者搶走蕭潤邦　未婚夫發文護航證清白

江若琳 (Elanne) 與同前組合Bliss成員，「生煎包王子」蕭潤邦 (Oscar) 兩人相識了11年，於去年4月宣布拍拖，同年底Oscar更向Elanne求婚成功，兩人將於今年12月23日結婚。Oscar同Elanne拍拖以來一直愛得非常甜蜜，是公認的一對，不過今日卻有報道指Oscar的空姐前女友Charmaine原來仍未放得低Oscar，甚至指Elanne當時是以第三者身份搶走Oscar。

據知，Oscar與呢位Charmaine拍拖4年，原本打算去年結婚，Oscar更已買好了婚戒，但前年年底兩人去旅行期間吵鬧而陷入冷戰，最後因當時與前男友分了手的Elanne乘虛而入搶走Oscar。而Charmaine至今仍未剷走社交網上與Oscar相戀時所拍下的相片，又留言似在暗指Elanne就是第三者。

而Oscar今日就於IG發文為Elanne護航，Man爆咁表示：「我計計數，如果同前女分手大半年再拍拖，而現在女友咁都算係小三的話，一個普通人都可能拍過好幾次拖，咁咪要計埋我前前女友、前前前女友...我現女友已經唔係小三咁少了。如果該雜誌或所謂知情人士目的係令到我們唔開心的話，sorry，對於我們來說，實在太無聊。所以唔想再作任何回應，大家都已經有新嘅生活，只係希望各位傳媒朋友高抬貴手，唔好打擾到過去嘅朋友。至於我嘅現在、將來，我一定會好好保護江若琳，多謝大家關心！」