耗時四年三度停筆 馬𠗕偉最新舞台劇《生前約死後》出爐

馬浚偉剛剛表演完《偶然·徐志摩》，《深宮計》亦已經煞科，但是馬仔依然忙碌，他在出席活動時表示：「啱啱先喺新加坡做完嘢返嚟，遲啲又要去馬來西亞做嘢，今日（26日）又再影下一個舞台劇海報，今次都係由我自編自導，將會喺下年一月公演。」

不說不知，這套《生前約死後》背後的故事大有深意，可以說是馬仔的心血結晶：「呢個喺一個有關我媽媽嘅故事，我曾經因為佢嘅離開患上抑鬱症，有一段好長嘅時間都好唔開心，大約係99年至到07年嗰一段時間，係近幾年有信仰嘅支持，個人開心翻少少，先至真正寫到呢個故事出嚟。」他又謂：「呢個故事我四年前已經想寫，但無奈寫作嘅時候經常會回憶到舊時嘅痛處而喊到收唔到聲，都停咗筆三次先寫得晒，我相信都排練甚至正式做我都會好大鑊。」

《生前約死後》將於下年一月以舞台劇方式公演，再於四月開拍電影版本，其中劇本內容不盡相同，而兩者皆是馬仔自編自導之作，可謂是誠意之最，馬仔更請來顧美華飾演母親一角，他謂：「我真係好多謝美華姐，我一搵佢，佢就立即應承只要我套戲一搞得成就做我嘅女主角。」

談到胡定欣與張振朗近來的緋聞，馬仔回應：「佢話係假㗎嘛，我都唔清楚喎，不過如果件事係真嘅咁都係開心事，如果唔係嘅咁定欣就要繼續努力啦！」