Ana R.同JC生完B後變得勁大食 唔通平時喺屋企食唔飽？

兩位混血名模Ana R.同Jessica C. (JC) 唔止好老友，就連生B的日子都差不多，繼兩人年前差不時間分別生了個囡囡後，今年兩人又是差不多時間生第二胎，又咁啱兩人都是生仔仔，各自湊成一個「好」字，分享湊仔經自然成為了她們的最大樂趣之一，扮靚、行街shopping都一定唔及湊B重要。

上星期Ana的媽咪遠道從美國來港探望Ana一家，同經已三周大的孫仔Ryan第一次見面，由於外國人產後無坐月的習俗，所以昨日Ana就帶住一對仔女同媽咪去茶樓飲茶嘆中式點心，仲叫埋好姊妹JC一齊gathering。而Jessica亦帶埋仔仔Elvis同行。

Ana同JC一見面即刻雞啄唔斷，由於兩位靚媽都係餵母乳，兼各自都要餵給一對小朋友，所以她們一講到餵母乳的話題即異口同聲表示：「我哋長期覺得肚餓，食量比正常人多，突然變得特別大食。」為了餵哺母乳，兩人成日都食極唔飽咁。另外，JC又大讚老公安志杰好幫手湊B：「好慶幸Andy呢排唔使工作，不時幫手照顧小朋友，令我輕鬆唔少。」