【PLAN B】余慕蓮講明唔捱更抵夜　首次獻出「初吻」好尷尬

ViuTV劇集《PLAN B》除有王宗堯、陳啟泰同陸駿光之外，原來仲有余慕蓮。年屆81的余毛姐自從離開大台後，除不時登台外，亦有指ViuTV拍劇，日前她為《PLAN B》與陸駿光、陳炳銓時，發現原來其中幾幕都需要人工呼吸，余毛姐雖然從影多年，但原來就從未試過「咀戲」所以佢都話有少少尷尬：「我都未拍過呢啲戲，都唔知點答你！個劇組係陸駿光熟啲，之前佢拍劇做過我兒子。」余毛姐又表示自己年紀大，不能接受長時間開工：「我依家幾十歲人，我話即使無綫叫我返都唔簽，我怕捱更抵夜，呢度我都講明最夜係十二點，所有危險動作都安排替身囉！」

至於同場的陳炳銓，呢日亦帶來愛犬「豆豉」客串，他更笑指佢都係時候賺番狗糧：「導演話要搵隻狗做流浪犬，一睇就知佢唔係名種狗啦，似返隻流浪犬，所以今次就帶佢出黎客串玩下！」問到愛犬比較黏他還是女友李佳芯，陳炳銓就好自信咁表示因為同豆豉相處時間較多，所以比較黏他。