【入住請敲門】曼谷水門猛鬼酒店係旅行團熱門之選　有蝨又有怪味

沙膽哥莫竣名喺最新一集《入住請敲門2》挑機曼谷猛鬼酒店，呢兩間位於水門嘅酒店A同酒店B，於遊遊網被列為四星，前者房價最平三百元有交貿，而且位置方便，所以唔少旅行團都會入住。之不過，網上唔少評價都指房間除有跳蚤或小強之外，部分房間亦有臭酸味，想好好瞓一覺怕且都有一度難度。至於酒店B(即係莫竣名勇闖34樓遇見白影嗰間)於旅遊網負評連連，相信醒目嘅港人，都唔會揀嚟入住。

【入住請敲門】芭堤雅四星渡假村環境舒適　二樓客房有女鬼服務

【入住請敲門．專訪】莫竣名挑機泰國猛鬼酒店：轉身有白影衝埋黎

至於網上流傳的鬼故事，其實一切緣於1990年有油車於酒店旁的馬路翻側發生大爆炸，於酒店A旁的平房租客多數係妓女，她們平日多在酒店拉客，爆炸發生時，不少妓女都葬身火海，傳聞爆炸發生後，水門Phetchaburi一帶變得鬼影幢幢，戲劇、百貨公司亦因鬧鬼而結業。而在電影《見鬼》最後油車爆炸一幕，正正就係酒店所在的街道。有指該區的部分酒店捨棄了泰國人最篤信的四面佛，改為供奉觀音，但依然抵擋不了「神秘力量」，更有住客聞到燒焦味，被選為「亞洲十大猛鬼酒店」真係唔講得笑。

至於距離A酒店十分鐘腳程的B酒店，網上就未有記載該酒店的「故事」，但被唔少住容稱為「垃圾酒店」的B酒店，雖然金碧輝煌且房間夠大，但正如沙膽哥莫竣名所講，成間酒店都唔覺有人入住，你又敢唔敢挑戰呢？

酒店A同B於旅遊網都被列為四星，但唔少遊客認為一星都唔值。大家睇完之後又覺得點呢？