鍾欣潼十二月香港擺酒 預演中式婚嫁金飾
撰文：冼燕珊
出版：更新：
鍾欣潼（阿嬌）今年五月與台灣「醫界男神」賴弘國（Michael）於美國舉行婚禮，計劃十二月在香港擺酒及註冊。上次在美國結婚，阿嬌只穿婚紗，並無著裙褂同戴金器，日前她為同公司旗下珠寶店拍攝「中式足金婚嫁珠寶系列」廣告，可以順手揀埋金器。足金金飾喺婚嫁儀式中一直擔當重要嘅角色，除咗代表祝願一對新人同偕白首，情比金堅，金飾喺中國人傳統上亦係代代相傳嘅瑰寶。
喺拍攝過程中，阿嬌不時流露甜蜜神情，佢話：「當你遇上對嘅人，幸福就會不知不覺間溜進你生命當中。將家人嘅期待同祝福寄托喺金飾之中，令待嫁嘅新娘滿載幸福感。我亦好感謝親朋好友為我送上嘅祝福，先令我有咁難忘嘅婚禮。」唔知老闆楊受成會唔會送金器畀阿嬌，賀佢出嫁呢？
+1