【開心速遞】阮政峰請假去睇FISM大會：魔術最難係得到別人嘅尊重

阮政峰於《愛．回家之開心速遞》入面飾演的池子孝近日同熊心如 (蘇韻姿飾) 分手，心情低落到極點，不過現實生活中的政峰就心情靚靚，因為他早前剛去完於韓國崟山舉行的FISM世界魔術大會觀摩，今次他是特地跟TVB請假去參與呢個3年一度的魔術界國際盛會。除了係演員，仲係魔術師的他可以出席呢個為期一連6日的大會當然開心啦。

政峰曾於2015年全港公開魔術比賽舞台組贏得亞軍，他希望有朝一日能夠參加FISM大會的比賽，他說：「首先我自己比賽嗰套魔術表演要過咗一定嘅分數，達至FISM級嘅水平就可以參加呢個比賽，咁我依家仲同我嘅partner同魔術指導develop緊自己套表演。」除了表演魔術，他還有一間與partner合資的魔術公司，會開班教魔術外，還會有產品及外國的product寄賣，政峰都會負責教學。至於可有錢賺，他說：「間公司開咗年幾兩年，啱啱和得到啦，因為我哋開呢間公司係想講我哋對魔術嘅理念，同埋我哋有幾愛魔術，而唔係賺錢行頭。」

此行參加FISM大會，他還學了何謂魔術：「魔術係由三樣嘢組成，包括一啲神奇效果，肢體動作，同埋控制觀眾嘅注意力，有齊呢三樣嘢先可以叫做魔術。」至於他玩魔術至今，覺得最難是甚麼？他說：「魔術本身已經好難好難，或者最難嘅係得到別人嘅尊重，我發覺好多人都唔太尊重魔術嘅。」