【BB來了】黎諾懿戲裡戲外都抵讚 絕世好爸爸湊小春雞親力親為
一套又一套巨製、合拍劇之後，小品劇集《BB來了》成功贏得口碑，只因劇情夠晒貼地，新手媽媽覺得身同感受，婆婆奶奶級將自己當成陳秀珠Madam Lo，當然唔少得飾演新手爸爸嘅黎諾懿，夾喺老婆同媽媽中間做夾心人嗰種無奈，希望做到面面俱全想體諒每個人，逼到自己疑似產後抑鬱，真係好老公好爸爸嘅典範﹗
【BB來了】女強人忽然Bingo做媽媽 李佳芯忐忑心情網友讚有共鳴
進入第二周，劇情漸漸開始轉變方向，由新手媽媽Ali嘅不知所措，以及同Madam Lo婆媳對立，轉變為新手爸爸黎諾懿壓力爆煲。傳統中國人社會，男士要擔起頭家，有壓力都收埋喺心入面，新一代更要求爸爸分擔家庭大小事項，要體諒太太產後情緒變化、要挺身處理婆媳糾紛唔好做豬隊友。劇中講到黎諾懿希望既做個好老公，又可以做孝順仔，囡囡出世後做埋好爸爸，壓力爆晒煲又甩頭髮又幻聽，Ali仲發現佢戴起胸圍扮餵奶，疑似產後抑鬱令人擔憂。
【BB來了】黎諾懿爆初登人父必講金句 媽媽群組嬲爆話「剪」咗佢
戲劇可能有誇張成份，但亦可以順道提醒大家，其實新手爸爸都需要關心同體諒，適時鼓勵同肯定，對大家都有好處。現實生活中黎諾懿有個相當可愛嘅囝囝「小春雞」，拍攝《BB來了》時剛榮升爸爸6個多月，所有劇情對黎諾懿來說都係歷歷在目。
【BB來了】李佳芯演媽媽情緒起伏好入戲 生仔似走過鬼門關無誇大
女觀眾不停讚黎諾懿飾演的葉致廷係絕世好老公、好爸爸，睇劇時捉埋另一半：「學下人地做個神隊友啦﹗」其實現實生活中黎諾懿IG Post除咗工作就係老婆囝囝，絕對稱得上係絕世好爸爸﹗
【BB來了】黎諾懿聞「媽媽谷」色變 李佳芯即Join真係港媽必入？
小春雞未出世黎諾懿就同老婆攪Baby Shower，親力親為打點；小到春雞出世時雖然佢無親手剪臍帶，但有陪入產房支持老婆；BB出世後餵奶掃風換片樣樣做齊，仲會親自操刀幫囝囝剪頭髮，父子齊齊沖涼勁溫馨！當然唔少得陪囝囝玩，無論阿囝學翻身、識坐、學爬、學企到識行識跑，黎諾懿從不錯過小朋友成長每個重要時刻，新一代絕世好爸爸真係非佢莫屬﹗