【中國好聲音】全球首播技術出錯超冇面　選手同導師都變啞咗

萬眾期待的內地皇牌音樂選秀節目《中國新歌聲》最新一季改為《中國好聲音》，節目昨（13日）迎來首播，四位男導師庾澄慶﹑周杰倫﹑李健同謝霆鋒一開場的表演睇到觀眾拍爛手掌，絕對精彩好睇。原本節目播出流程十分暢順，沒料到在中途竟然出現差錯，電視畫面完全聽唔到導師同選手的聲音，令人不禁懷疑是否自家電視機壞了，原來的確是電視台出錯，被廣大網民取笑變成「中國冇聲音」，認真搞笑啊！

就在選手譚秋娟演唱之後，電視機畫面是正常的，不過只聽到背景音樂同觀眾的聲音，選手的聲音一直聽唔到，就連四位導師講評的聲音都消失埋，但仍然有字幕。整段畫面足足維持了3分鐘之久，令唔少觀眾都以為自家電視機壞了，其實不然只是電視台出錯，雖然事後好快就搶救返，不過就非常丟臉被網民取笑不如改為「中國好唇語」「中國好字幕」「中國好伴奏」…好聲音變冇聲音令人覺得傻眼。

電視台犯了如此低級出誤，亦立即在官方微博講解源由同道歉：「今晚播出的第一期節目過程中，技術人員在21:55左右，發現高清頻道音頻數據報錯，導致部分終端機頂盒解碼器聲道混亂。播出部門經過緊急處理，將高清頻道轉為立體聲模式播出，保障觀眾可以順利收看節目。同時向親愛的觀眾朋友們表示誠挚的歉意。此次事件的發生，影響了觀眾及網友的觀看體驗。在以後的播出過程中，我們一定嚴謹排查，也歡迎大家監督。」