【流星花園】48集Cut剩6集？　旁白突然話大結局睇到O晒嘴

台灣金牌制作人柴智屏17年後宣佈重拍《流星花園》，未播就已經令唔少電視友引頸期待。經過一段時間拍攝與後期制作之後，《流星花園》近日（9日）終於開播，但萬萬想唔到因為劇情進展得太快引來唔少吐嘈，睇到第二集杉菜就同花澤類玩錫錫表愛意，昨日（11號）播出最新一集（第6集），沒想到就已經來到大結局，令電視機前的觀眾都睇到O晒嘴「一臉懵」﹑「好像剛看沒兩天」…成為全城熱話。

新版的《流星花園》只是播出6集，劇情的確比起原版快了1.5倍，F4同杉菜的故事進展的太快，只是來到第三集杉菜就已經出現在F4舞會上，這個劇情理應在中後期時間播出的；另外F4竟然個個都成為學霸，原本唔讀書的道明寺成為了金融學霸；藤堂靜亦提前回來了…成個節奏就好似快播咁。重點是講到明翻拍，理應成個畫質都會比從前要好，但似乎令人大失所望，而且男女主角配音亦是一大敗點，種種都被批評不比原劇「還是老版的好看」。

雖然，劇情同配音都已經扣晒分，不過始終是一部神劇都仍然有吸引力的，但估唔到就在播最新一集的時候，電視台中斷入廣告，旁白竟然道出：「接下來《流星花園》大結局」睇到唔少人都呆一呆仲以為是幻聽，似乎快到令人接受不了。新版《流星花園》有48集，來到第6集估計是電視台攏烏龍播出，出了小小意外預告大結局，意外成為熱話又可以幫劇集宣傳，唔知是故意或是冇心呢？